Məxfilik siyasəti
1. Məxfilik siysəti
JTI Caucasus MMC-nin Azərbaycan Respublikasındakı Nümayəndəliyi Azərbaycan Respublikasında 1303199311 qeydiyyat nömrəsi ilə dövlət qeydiyyatına alınmış və qeydiyyat ünvanı Azərbaycan Respublikası, Bakı şəhəri, Xətai rayonu, Afiyəddin Cəlilov küçəsi 1, AZ1025 olan şirkətdir. (“JTI”, “biz”, “bizə”, “bizim”) olaraq sizin məlumatları və məxfilik hüquqlarınızı qorumağa və onlara hörmət etməyə sadiqik.
Bu Siyasəti qəbul etməklə siz bizə bu Siyasətdə müəyyən edilmiş qaydada şəxsi məlumatlarınızı (bundan sonra məlumat adlandırılacaq) emal etmək hüququnu verirsiniz.
Bu Məxfilik Siyasəti ("Məxfilik Siyasəti") (veb-saytımızın İstifadə Şərtləri və burada göstərilən digər sənədlərlə birlikdə) bizə təqdim etdiyiniz və ya bizdən əldə etdiyimiz hər hansı şəxsi məlumatların emalı əsaslarını müəyyən edir. Şəxsi məlumatlarınızla bağlı baxışlarımızı və tətbiqlərimizi, eləcə də onlarla necə davranacağımızı başa düşmək üçün aşağıdakıları diqqətlə oxuyun.
JTI Azərbaycan Respublikasının Fərdi Məlumatlar haqqında Qanununun və məlumatların mühafizəsi üzrə hər hansı digər tətbiq olunan qanunvericiliyin məqsədləri üçün məlumatlara nəzarət edən şirkətdir.
Bu Məxfilik Siyasətini qəbul etməklə siz tütün məhsullarından istifadə edən yetkin (18 yaşdan yuxarı) istifadəçi olduğunuzu təsdiq edirsiniz. Yanmayan tütün məmulatları da daxil olmaqla bizim Məhsullarımız yalnız yetkin tütün istifadəçilərinin istifadəsi üçün nəzərdə tutulub.
2. Məxfilik siyasətinin əhatə dairəsi
Bu Məxfilik Siyasəti məhsul və xidmətlərimiz üzrə müştərilərin və digər fərdlərin, o cümlədən veb-saytımızın, onlayn platformalarımızın, sistemlərimizin və məsuliyyət daşıdığımız tətbiqlərimizin (bizim "Platformalarımız") ziyarətçilərinin və Platformalarımızın akkreditə olunmuş istifadəçilərinin (məsələn, müqaviləli agentliklərimiz tərəfindən təyin edilmiş mentorlar və ekspertlər) şəxsi məlumatlarını necə qorumağa riayət etdiyimizi əhatə edir.
Bu Məxfilik Siyasətini vaxtaşırı həyata keçirə biləcəyimiz xüsusi təşəbbüslər və fəaliyyətlərlə bağlı sizə təqdim edə biləcəyimiz digər sənəd və ya məlumatlarla birlikdə oxuyun.
Bu Məxfilik Siyasəti və sizin haqqınızda emal etdiyimiz şəxsi məlumatlar ilə bağlı suallar, şərhlər və sorğular qəbul edilir. Bizimlə əlaqə saxlamaq üçün "Bizimlə Əlaqə Forması”ndan istifadə edə bilərsiniz.
3. Dəyişikliklər barədə bizi məlumatlandır malısınız
Sizin bizdə olan məlumatlarınız dəqiq və son olmalıdır. Xahiş edirik, bizimlə mövcud əlaqəniz zamanı şəxsi məlumatlarınızda hər hansı bir dəyişiklik olarsa bizə bildirin.
4. Tələb olunan məlumatlar
Bu Məxfilik Siyasətinin 8-ci bölməsində ətraflı şəkildə göstərildiyi kimi sizin tələb etdiyiniz xidmət və məhsulları təqdim etmək, eyni zamanda hüquqi öhdəliklərimizi və biznes əməliyyatlarımızı yerinə yetirmək üçün biz aşağıdakı şəxsi məlumat kateqoriyalarından istifadə edə bilərik:
- Ad, soyad;
- Doğum tarixi;
- Əlaqə məlumatları (məsələn: ünvan, e-poçt ünvanı və telefon nömrəsi);
- Hesabınız, alış tarixçəniz, sifarişlər, müştəri rəyi, bazar araşdırması və digər satış məlumatları da daxil olmaqla aldığınız və ya istifadə etdiyiniz məhsullar/xidmətlərimiz haqqında məlumat;
- Bizimlə qarşılıqlı əlaqənizin detalları, həmçinin xidmət göstərilməsi üçün aparılan yazışmalar, bizimlə ünsiyyət və söhbətlərinizin qeydləri;
- Pərakəndə mağazaya və ya tədbirə səfərinizin təfərrüatları, nə qədər tez-tez gəldiyiniz, hansı sahələrə baş çəkdiyiniz və nə qədər vaxt sərf etdiyiniz, eləcə də etdiyiniz alış-verişlər;
- Dostunuzu bizə yönləndirib-yönləndirmədiyiniz haqda məlumatları;
- Ploom Dəstək Komandamızla əlaqə saxladığınız zaman səsinizin yazıldığı və serverlərimizdə saxlandığı qeydlər;
- Təqdim etdiyimiz məhsul və xidmətlərlə bağlı şəxsi üstünlükləriniz və vərdişləriniz;
- Platformalarımızdan və əlaqə mərkəzimizdən istifadəyə dair texniki məlumatlar, həmçinin vaxt və müddət, cihazınızı internetə qoşmaq üçün istifadə olunan İnternet Protokolu (IP) ünvanı, giriş məlumatlarınız, brauzerin növü və versiyası, vaxt zonasının quruluşu, trafik məlumatları, brauzer plaginlərinin növləri və versiyaları, əməliyyat sistemi və platforma, eləcə də kukilər və izləmə texnologiyalarının istifadəsi ilə bağlı məlumatlar; Vacib kukilərin həmişə aktiv olması mütləqdir və siz əlavə kukiləri də aktivləşdirə bilərsiniz. Kukilər və onların qəbul edilməsi və ya rədd edilməsi haqqında daha ətraflı məlumat əldə etmək üçün Kukilər Siyasətimizlə tanış olun.
- JTI və/və ya üçüncü tərəflərdən marketinq kommunikasiyalarını əldə etmək üçün marketinq üstünlükləri də daxil olmaqla marketinq və kommunikasiya məlumatları.
- Veb-saytda yaşınızı təsdiq edərkən təqdim etdiyiniz sənədlərinizdəki (ID) məlumatlar.
Platformalarımızda maliyyə və kredit kartı məlumatlarını təqdim etdiyiniz halda nəzərə alın ki, biz bu şəxsi məlumatlara nə daxil olur, nə də onları saxlayırıq. Ödənişlərinizi emal etmək üçün etibarlı üçüncü tərəflərdən istifadə edirik və bizim maliyyə və kredit kartı məlumatlarınıza çıxışımız yoxdur.
Biz sizin barədə şəxsi məlumatları ya birbaşa sizin özünüzdən, ya da digər mənbələrdən aşağıdakı yollarla toplaya bilərik:
5. Şəxsi məlumatları birbaşa sizdən əldə etdiyimiz mənbələr
Siz bizə özünüz haqqında məlumatları bir neçə şəkildə təqdim edə bilərsiniz, o cümlədən:
- şəxsən və ya onlayn olaraq məlumat bazalarımızın üzvü olmaq üçün qeydiyyatdan keçin (məsələn, Müştəri münasibətlərinin idarə edilməsi);
- biznes təşəbbüslərimizdə və tədbirlərimizdə (məsələn: sorğular, təkliflər, müsabiqələr, kampaniyalar, Ploom Club, ticarət alətləri və s.) şəxsən və ya onlayn olaraq iştirak etmək üçün birbaşa bizimlə qeydiyyatdan keçin;
- Platformalarımızdan istifadə edin;
- www.ploom.az veb-saytımızda və ya əlaqəli Platformalarımızda və mikro saytlarımızda formaları doldurun;
- cihazı bizimlə qeydiyyatdan keçirin;
- e-poçt bildirişləri və ya marketinq məlumatları almaq üçün qeydiyyatdan keçin (qanunla icazə verildiyi halda);
- təşkil etdiyimiz tədbirlərimizdə iştirak edin;
- bizə Ploom Dəstək Komandamız, Platformalar, telefon, e-poçt, sosial media və ya başqa üsullarla (məsələn, Sınaq e-poçtu/SMS, Canlı Çat və s.) əlaqə saxlayaraq. Bura Platformalarımızdan istifadə etmək üçün qeydiyyatdan keçdiyiniz zaman xidmətimizə abunə olduğunuzda, məhsul axtardığınızda, Platformalarımızda sifariş verərkən, müsabiqə və ya sorğuda iştirak etdiyiniz zaman və Platformalarımızla bağlı problem barədə məlumat verərkən təqdim etdiyiniz məlumatlar daxildir.
6. Şəxsi məlumatları əldə etdiyimiz digər mənbələr
Şəxsi məlumatlarınızı birbaşa sizdən aldığımız kimi, biz bu məlumatlarınızı dolayı yolla aşağıdakı vasitələrlə də toplaya bilərik:
- Fəaliyyət göstərdiyimiz hər hansı digər Platformadan və ya təqdim etdiyimiz digər xidmətlərdən istifadə etməklə sizin haqqınızda Platforma provayderlərimiz və onların əlaqəli üçüncü tərəfləri tərəfindən saxlanıla bilən məlumatı əldə edə bilərik;
- Biz, eyni zamanda digər üçüncü tərəflərlə (məsələn: digər JTI qrup şirkətləri, hosting provayderləri, ödəniş xidmətləri provayderləri, çatdırılma provayderləri, pərakəndə satıcılar, müştəri xidmətləri provayderləri, məhsul köməkçiləri, loyallıq və rəy platforması provayderləri, müştəri əlaqələri idarəetmə xidmətləri, istehlakçı məlumatları platforması provayderləri, marketinq avtomatlaşdırma provayderləri, informasiya xidmətləri provayderləri, yaş təsdiqi provayderləri, tədbir təşkilatçıları, istehlakçı rəyləri provayderləri, texniki, ödəniş və çatdırılma xidmətlərində subpodratçılar, analitika provayderləri, axtarış məlumatları provayderləri, kredit məlumatları agentlikləri də daxil olmaqla) yaxından əməkdaşlıq edirik və onlardan sizin haqqınızda məlumat əldə edə bilərik;
- Sizin alış-verişləriniz, üstünlükləriniz və təşəbbüslərimizdə və fəaliyyətlərimizdə (məsələn, sorğular, təkliflər, kampaniyalar, müsabiqələr) iştirakınız haqqında məlumatlar etibarlı agentlərimiz, müştərilərimiz və tərəfdaş şəbəkəmiz, o cümlədən iş ortaqlarımız və pərakəndə mağazalarımız tərəfindən təşkil edilən tədbirlərdə onlarla onlayn və ya oflayn şəkildə qarşılıqlı əlaqə qurduğunuz təmsilçilər, mütəxəssislər və mentorlar tərəfindən təmin edilir.
Biz birbaşa sizdən əldə etdiyimiz məlumatları yuxarıda təsvir olunan üsullarla dolaylı vasitələrlə topladığımız məlumatlarla birləşdirə bilərik. Biz bu və birləşdirilmiş məlumatları bu Məxfilik Siyasətində göstərilən məqsədlər üçün istifadə edə bilərik (aldığımız məlumat növlərindən asılı olaraq, məsələn: ad və ünvan).
7. Yaş təsdiqi prosesi çərçivəsində sizdən aldığımız məlumat
Biz hüquqi cəhətdən sizin yaşınızı təsdiqləməliyik. Buna görə də sizdən məhsullarımızdan hər hansı birini sifariş etməzdən əvvəl ən azı 18 yaşınız olduğunu sübut etmək üçün üçüncü tərəf tərəfindən bizim adımızdan həyata keçirilən yaş yoxlama prosesini tamamlamağınız tələb olunacaq. Bu prosesin bir hissəsi olaraq sizdən topladığımız şəxsi məlumatlarınız yalnız yaşınızı yoxlamaq məqsədilə üçüncü tərəflə paylaşılır. Bundan əlavə, yaşınız yoxlanıldıqdan sonra əldə edilən sənədlərin surətlərini yetkin yaşda olduğunuzu təsdiq edən məlumat olaraq saxlamaq hüququna malikik.
Qanunla və ya sizinlə bağladığımız müqavilənin şərtlərinə uyğun olaraq şəxsi məlumatları toplamaq tələb olunursa və sizin bu məlumatları tələb olunduğu zaman təqdim etmədiyiniz halda biz malik olduğumuz və ya sizinlə bağlamağa çalışdığımız müqaviləni bağlamaya bilərik. (məsələn, sizi mal və ya xidmətlərlə təmin etmək üçün). Bu halda biz sizi vaxtında məlumatlandırmaqla məhsul və ya xidməti ləğv edə bilərik.
8. Məlumatınızdan istifadə etdiyimiz qanuni əsaslar və məqsədlər
Biz sizin məlumatlarınızdan yalnız qanun çərçivəsində istifadə edəcəyik. Çox vaxt biz sizin məlumatlarınızı bunun üçün hüquqi əsasımız olduqda istifadə edəcəyik. Xüsusilə,
- Sizinlə bağlayacağımız və ya bağladığımız müqaviləni yerinə yetirməli olduğumuz zaman.
- Qanuni və ya tənzimləyici öhdəliklərə əməl etməli olduğumuz zaman.
- Bizim qanuni maraqlarımız (və ya üçüncü tərəfin maraqları) zəruri olduğu halda və sizin maraqlarınız və əsas hüquqlarınız bu maraqları üstələmədikdə. Əgər qanuni maraqlarımızın sizin üzərinizə hər hansı bir potensial təsirini necə qiymətləndirdiyimizlə bağlı əlavə təlimata ehtiyacınız varsa bizimlə əlaqə saxlamağınızı xahiş edirik.
- Məlumatlarınızı emal etmək üçün razılığınızı tələb etdiyimiz zaman.
Yuxarıda qeyd olunan şəxsi məlumatlarınızın istifadə olunmasına dair əsaslandırmalar "qanuni əsaslar" adlanır. Qeyd edək ki, məlumatlarınızı istifadə etdiyimiz konkret məqsədə əsasən bir neçə qanuni əsasla məlumatlarınızı emal edə bilərik. Əgər aşağıdakı cədvəldə bir neçə əsas göstərilibsə və şəxsi məlumatlarınızı emal etmək üçün hansı konkret hüquqi əsasdan istifadə etdiyimiz barədə ətraflı məlumat əldə etmək istəyirsinizsə bizimlə əlaqə saxlamağınızı xahiş edirik.
Nəzərinizə çatdırırıq ki, biz heç bir avtomatlaşdırılmış qərar qəbul etmə üsullarından istifadə etmirik.
| Emal üçün məqsəd | Emal üçün hüquqi /qanuni əsas |
|---|---|
| Şəxsi məlumatların emalı yaşınızı yoxlamaq və yaş məhdudiyyəti olan məhsulları yalnız böyüklərə satmaq üçün qanuni öhdəliklərimizə riayət etmək üçün lazımdır. | Qanuni və ya tənzimləyici öhdəliklərə riayət etmək üçün |
| Şəxsi məlumatları məhsullarımızın alıcısı olaraq sizinlə bağladığımız müqavilə öhdəliklərimizi yerinə yetirmək, o cümlədən sifarişləri icra etmək, qəbzləri göndərmək, ödənişləri emal etmək və zəmanət xidmətləri təqdim etmək üçün istifadə edirik. | Sizinlə bağlayacağımız və ya bağladığımız müqaviləni yerinə yetirmək üçün. |
| Satışla əlaqəli xidmətlər göstərmək, sorğularınızı və tələblərinizi həll etmək, ümumi idarəetmə, problem həlli və sizinlə əlaqə saxlamaq üçün. Biz, eyni zamanda məlumatlarınızı sınaq, zəmanət və sadiqlik proqramlarını idarə etmək üçün də istifadə edə bilərik. | Şəxsi məlumatlarınızın emalı müqavilə öhdəliklərimizi yerinə yetirmək üçün zəruri olmadığı, lakin ümumi müştəri və satış xidmətləri ilə əlaqəli olduğu halda, sizin haqqınızda məlumatı qorumaq üçün maraqlarınız, hüquqlarınız və azadlıqlarınızla üst-üstə düşməyən müştərilərimizə satışla bağlı xidmətlərin göstərilməsində qanuni biznes marağımız olduğu zaman. |
| Məhsullarımızı və xidmətlərimizi e-poçt, poçt, telefon, SMS, sosial media və ya digər onlayn platformalar vasitəsilə tanıtmaq üçün. | Şəxsi məlumatlarınızı razılığınızı aldığımız halda və ya məhsul və xidmətlərimizi sizə tanıtmaq üçün qanuni biznes marağımız olduğu təqdirdə emal edəcəyik. Qanun tələb edərsə məhsul və xidmətlərimizi sizə tanıtmaq üçün razılığınızı alacağıq. |
| Digər üçüncü tərəflərə sizinlə birbaşa marketinq mesajları ilə əlaqə saxlamağa icazə vermək üçün. | Sizin razılığınızı aldığımız zaman məlumatlarınızı bu şəkildə emal edəcəyik. |
| Məhsul və xidmətlərimizdən hansının sizin üçün maraqlı və ya uyğun ola biləcəyini müəyyən etmək üçün. | Biz bunu müştərilərimizi hansı məhsul və xidmətlərin maraqlandırdığını anlamaq üçün qanuni biznes marağımıza əsaslanaraq edirik. |
| Sizin maraqlarınız, üstünlükləriniz və Platformalarımızdan necə istifadə etdiyiniz haqqında öyrəndiklərimizə əsaslanaraq, veb-saytımızda müştəri təcrübənizi fərdiləşdirmək üçün. | Lazım gələrsə, razılığınızı aldığımız təqdirdə məlumatlarınızı bu şəkildə emal edəcəyik. Əks halda, biz bunu məhsul və xidmətlərimizi sizə satmaqda qanuni biznes marağımıza əsaslanaraq edəcəyik. |
| Müştəri sorğuları və bazar araşdırması aparmaq üçün. | Əvvəlcədən razılığınızı almadığımız halda, biz bunu müştərilərimizin məhsul və xidmətlərimiz haqqında nə düşündüklərini və fəaliyyət göstərdiyimiz bazarı anlamaq üçün qanuni biznes marağımız əsasında edirik. |
Ploom Club-un bir hissəsi olmaq üçün qeydiyyatdan keçdiyiniz zaman siz aşağıdakı kimi xidmətlər əldə edə bilərsiniz: · xüsusi tapşırıqları yerinə yetirərək xal qazanmaq (cihazınızı qeydiyyatdan keçirmək, cihaz və ya aksesuar almaq, dostunuzu dəvət etmək kimi); · xallarınızla Ploom Club hesabınızda tanış olmaq; · Alış zamanı endirim əldə etmək üçün xallarınızdan istifadə etmək; · Şəxsi istinad kodunuza daxil olaraq dostunuzu Ploom-a dəvət etmək və sifariş zamanı istifadə etmək üçün xallar qazanmaq; və · Doğum gününüzdə və Ploom Club-ın illik yubileyində xallar qazanmaq. Ploom Club haqqında daha ətraflı məlumat üçün FAQ bölməmizə baxın. |
Ploom Club-a qoşulmaq üçün qeydiyyatdan keçsəniz, şəxsi məlumatlarınızı sizi (bizim müştərimiz) mükafatlandıran xal əsaslı bir sistem yaradaraq Ploom-u marketinq etmək məqsədilə istifadə edirik. Bu, sizin məlumatlarınızı qorumaq üçün maraqlarınız, hüquqlarınız və azadlıqlarınız tərəfindən üstün olmayan şəkildə qanuni biznes marağımız əsasında həyata keçirilir. |
Yuxarıda göstərilənlərin hamısına dəstək, o cümlədən: · bu Platformanı, sistemlərimizi və daxili əməliyyatları, həmçinin problemlərin aradan qaldırılması, məlumatların təhlili, sınaq, tədqiqat və statistik məqsədləri idarə etmək; · sizə və başqalarına xidmət etdiyimiz marketinqin effektivliyini ölçmək və ya anlamaq üçün (qanunla icazə verilən hallarda; · istədiyiniz vaxt xidmətimizin interaktiv funksiyalarında iştirak etməyə icazə vermək; · platformalarımızı təkmilləşdirmək, məzmunun sizin və kompüteriniz üçün ən effektiv şəkildə təqdim edilməsini təmin etmək; · xidmətimizdə, Platformamızda və ya sizə təsir edə biləcək digər dəyişikliklər barədə məlumatlandırmaq; · platformalarımızın təhlükəsizliyini və qorunmasını təmin etmək məqsədilə; · yalnız təsdiqlənmiş istifadəçilər üçün ayrılmış Platformalarımızın və ya digər mikrosaytların hissələrinə daxil olarkən hesabınızın açıq qalmasını təmin etmək; sizinlə yazışmaq üçün. |
Biz məlumatlarınızı dəstəklədiyimiz məlumatdan istifadə məqsədinə uyğun gələn əsaslarla istifadə edirik. Məsələn, hesabınızı idarə edərək alışı dəstəkləmək və ya satış sonrası xidmət təmin etmək məqsədilə məlumatlarınızı məhsullarımızın alıcısı olaraq sizə qarşı müqavilə öhdəliklərimizi yerinə yetirmək üçün istifadə edirik; məhsullarımızı sizə göstərmək üçün hesabınızı idarə etdiyimiz zaman biz marketinqi dəstəkləyir və buna görə də haqqınızda məlumatı qorumaq və s. üçün maraqlarınız, hüquqlarınız və azadlıqlarınızla üst-üstə düşməyən məhsullarımızı satmaq üçün qanuni biznes marağımıza malik olduğumuz üçün istifadə edirik. |
| Məhsullarımızın və ya digər xidmətlərin təşviqində iştirak etmək üçün potensial imkanlar haqqında sizə məlumat vermək üçün biznes analizləri və təkmilləşdirmələr (qanunla icazə verildiyi halda). | Bu məlumatları biznes fəaliyyətimizi, məhsullarımızı, Platformalarımızı və digər əlaqə nöqtələrimizi qiymətləndirmək və təkmilləşdirmək, həmçinin sizi JTI məhsul və xidmətlərini təşviq etməyə dəvət etmək üçün qanuni biznes marağımıza əsaslanaraq istifadə edirik. Bu maraq məlumatlarınızın qorunması ilə bağlı maraqlarınız, hüquqlarınız və azadlıqlarınız tərəfindən üstələnmədiyi hallarda tətbiq edilir. |
9. Marketinq (Qanunla icazə verilən hallar)
Biz sizə məhsul və xidmətlərimiz haqqında birbaşa marketinq mesajlarını yalnız qanuni biznes marağımıza malik olduğumuz və ya sizin razılığınız olan əlaqə vasitələri (e-poçt, telefon, SMS, sosial media və ya digər onlayn platformalardakı pop-up) vasitəsilə göndərəcəyik.
Biz hər zaman sizə gələcəkdə bizdən birbaşa marketinq mesajlarını almaqdan imtina etmək imkanı təqdim edəcəyik. Bunu hesabınızın Əlaqə Parametrlərini yeniləməklə, aldığınız e-poçtda yerləşən abunəliyi ləğv etmə linkinə klikləməklə, marketinq mesajında göstərilən imtina təlimatlarına əməl etməklə və ya bizimlə əlaqə saxlayaraq edə bilərsiniz. Qeyd edək ki, sorğunuza cavab 20 günə qədər vaxt ala bilər.
Yalnız sizin razılığınız olduğu halda sizə birbaşa marketinq məlumatları göndərmək üçün əlaqə məlumatlarınızı üçüncü tərəflərlə paylaşacağıq.
10. Digər veb-saytlara linklər
Bizim Platformalarımızda maraq doğuran digər veb-saytlara keçidlər ola bilər. Lakin bu linklərdən istifadə edən zaman saytımızdan çıxış etdikdən sonra bizim həmin digər veb-sayt üzərində heç bir nəzarətimizin olmadığını nəzərə almalısınız. Buna görə də, biz belə saytlara daxil olarkən təqdim etdiyiniz hər hansı məlumatın qorunması, təhlükəsizliyi və məxfiliyi üçün heç bir məsuliyyət daşımırıq və həmin saytlar bu Məxfilik Siyasəti ilə tənzimlənmir. Həmin veb-sayta daxil olmazdan əvvəl ehtiyatlı olmalı və müvafiq veb-sayta tətbiq olunan Məxfilik Siyasəti ilə tanış olmalısınız.
11. Məlumatlarınızın üçüncü tərəflərlə açıqlanması
Bu Siyasətlə razılaşmaqla siz, həmçinin razılaşırsınız ki, biz Azərbaycan Respublikasının "Şəxsi məlumatlar haqqında" Qanunu ilə müəyyən edilmiş qaydada məlumatlarınızın emalı üçün bu Siyasətdə müəyyən edilmiş qaydada digər inzibatçılara/üçüncü şəxslərə (o cümlədən xarici şəxslərə) həvalə edə bilərik. Bu siyasətin şərtləri ilə razılaşmaqla şəxsi məlumatlarınızın belə ötürülməsi ilə bağlı hər hansı sonrakı fakt haqqında sizə əlavə bildiriş göndərilmədən xəbərdar edilmiş hesab edilirsiniz.
Biz sizin haqqınızda məlumatları qanunun tələb etdiyi və ya icazə verdiyi halda üçüncü tərəflərlə paylaşa bilərik, o cümlədən:
- üçüncü tərəf xidmət təminatçılarımızla bizə dəstək olmaq, xidmətlərimizi və məhsulları sizə təqdim etmək, biznes əməliyyatlarımızı həyata keçirmək və qanuni öhdəliklərimizə riayət etmək məqsədilə (məsələn, hosting provayderləri, ödəniş xidməti təminatçıları, çatdırılma təminatçıları, pərakəndə satıcılar, müştəri xidmətləri təminatçıları, məhsul məlumatı üzrə mütəxəssislər, informasiya xidmətləri təminatçıları, yaş yoxlama təminatçıları, tədbir təşkilatçıları, istehlakçı rəy təminatçıları, texniki, ödəniş və çatdırılma xidmətləri üzrə subpodratçılar, analitik təminatçıları, axtarış məlumatı təminatçıları, kredit məlumatı agentlikləri, müştəri münasibətlərinin idarəedilməsi xidmətinin təminatçıları, istehlakçı məlumat platforması təminatçıları, marketinq avtomatlaşdırma təminatçıları, SMS xidməti təminatçıları, bulud xidmətləri və informasiya texnologiyaları xidmətləri).
- sizə uyğun fərdiləşdirilmiş və effektiv müştəri təcrübəsi təqdim etmək üçün bəzi xidmət təminatçılarımız onlara təqdim etdiyimiz məlumatları sizin də məlumat verdiyiniz digər şirkətlər tərəfindən verilən məlumatlarla təhlükəsiz şəkildə birləşdirə bilər. Bizim xidmət provayderlərimiz bu məlumatları təhlil edir və sizinlə ən uyğun vaxtda əlaqə saxlamaqla müştəri təcrübənizi yaxşılaşdırmağa imkan verən texniki məlumatları təqdim edir. Bu məqsədlə toplanmış məlumatlarla bağlı əlavə məlumat almaq istəyirsinizsə Bizimlə Əlaqə formasından istifadə etməklə bizimlə əlaqə saxlayın.
- pərakəndə mağazalar, agentlər, ekspertlər və mentorlar da daxil olmaqla etibarlı agentlərimiz, müştərilərimiz və tərəfdaşlarımızla.
- JTI qrup şirkətləri ilə sizə xidmətlərimizi və məhsullarımızı təqdim etmək, biznes əməliyyatlarımızı həyata keçirmək və qanuni öhdəliklərimizə riayət etmək.
- əgər siz bizim yönləndirmə proqramlarımızdan biri vasitəsilə yönləndirilsəniz, biz sizə müraciət edən şəxslə məhdud şəxsi identifikasiya məlumatlarını paylaşacağıq.
- qanunla tələb olunduğu zaman tənzimləyici orqanlar və dövlət qurumları ilə, o cümlədən hüquq-mühafizə orqanlarının və ya digər dövlət məmurlarının tələbinə cavab olaraq məlumat paylaşacağıq.
- fiziki zərərin və ya maliyyə itkisinin qarşısını almaq məqsədilə və ya şübhəli və ya faktiki qanunsuz fəaliyyətin təhqiqatı ilə əlaqədar açıqlamanın zəruri və ya uyğun olduğuna inandığımız zaman.
- təşkilati restrukturizasiyanın bir hissəsi olaraq.
- hər hansı biznes və ya aktivləri satdığımız və ya aldığımız halda biz sizin şəxsi məlumatlarınızı bu cür biznes və ya aktivlərin potensial satıcısına və ya alıcısına açıqlaya bilərik.
- əgər JTI və ya onun bütün aktivləri üçüncü tərəf tərəfindən alınarsa onun müştəriləri haqqında saxladığı şəxsi məlumatlar ötürülən aktivlərdən biri olacaq.
- şəxsi məlumatlarınızı xarici peşəkar məsləhətçilərə, məsələn, mühasiblər, bankirlər, sığortaçılar, auditorlar və vəkillər kimi şəxslərə açıqlamağımız lazım gəldikdə.
12. Şəxsi məlumatların saxlandığı yer
Şəxsi məlumatların xarakterindən və məlumatların emal məqsədlərindən asılı olaraq topladığımız şəxsi məlumatlar Azərbaycan Respublikasından üçüncü bir ölkəyə ötürülə bilər.
Fərdi məlumatların xarici şəxslərə ötürülməsi o halda həyata keçirilir ki, fərdi məlumatların verildiyi müvafiq ölkənin qanunvericiliyi Azərbaycan Respublikasının qanunvericiliyi ilə müəyyən edilmiş səviyyədə bu məlumatların kifayət qədər hüquqi müdafiəsini təmin etsin. Hər dəfə belə bir ötürülmə öhdəliyi götürdükdə aşağıdakı təhlükəsizlik tədbirlərindən ən azı birinin həyata keçirilməsini təmin etməklə, şəxsi məlumatlarınız üçün oxşar dərəcədə qorunma təmin edilir:
- şəxsi məlumatların adekvat səviyyədə qorunmasını təmin etdiyi hesab edilən alıcı ölkə;
- Əgər alıcı ölkə ilə bağlı adekvatlıq qərarı verilməmişsə, biz Avropa Komissiyası tərəfindən təsdiqlənmiş standart müqavilə şərtlərindən istifadə edirik.
Bəzi nadir hallarda, şəxsi məlumatların üçüncü ölkələrə ötürülməsi ilə bağlı tətbiq olunan məlumatların qorunması haqda qanunlarda istisna edə bilərik. Məsələn, belə ötürmələr sizin razılığınızla və ya bizim aramızda olan müqavilənin yerinə yetirilməsi üçün zəruri olduqda bu baş verə bilər.
Şəxsi məlumatlarınızı üçüncü ölkələrə ötürərkən istifadə etdiyimiz xüsusi mexanizm haqqında əlavə məlumat almaq istəyirsinizsə, bizimlə əlaqə saxlayın.
Məlumatlarınızın harada işləndiyi haqda daha çox məlumat əldə etmək istəyirsinizsə Bizimlə Əlaqə Formasından istifadə edin.
13. Məlumat təhlükəsizliyi
Məlumatınızı aldıqdan sonra icazəsiz girişin və məlumatınızın təsadüfən itirilməsinin qarşısını almaq üçün müvafiq prosedurlardan və təhlükəsizlik xüsusiyyətlərindən istifadə edəcəyik. Şəxsi məlumatlarınıza giriş hüququnu yalnız iş məqsədilə bilməli olan işçilərə, agentlərə, podratçılara və digər üçüncü tərəflərə məhdudlaşdırırıq. Onlar yalnız bizim təlimatlarımızla məlumatlarınızı emal edəcək və məxfilik öhdəliyi götürəcəklər.
Təəssüf ki, İnternet üzərindən məlumat ötürülməsi tamamilə təhlükəsiz deyil. Şəxsi məlumatlarınızı qorumaq üçün əlimizdən gələni etsək də biz platformalarımıza ötürülən məlumatlarınızın təhlükəsizliyinə zəmanət verə bilmirik. Hər hansı şübhəli məlumat pozuntusunu həll etmək üçün prosedurlar tətbiq etmişik və qanuni olaraq tələb olunduğu təqdirdə sizi və müvafiq tənzimləyiciləri məlumatlandıracağıq.
Əgər sizə Platformamızın müəyyən hissələrinə daxil olmaq imkanı verən şifrə vermişiksə (və ya seçmisinizsə), siz bu şifrənin məxfi saxlanmasına məsuliyyət daşıyırsınız. Şifrənizi heç kimlə paylaşmamağınızı xahiş edirik.
14. Məlumatlarınızı nə qədər saxlayacağıq
Biz şəxsi məlumatlarınızı yalnız topladığımız məqsədləri yerinə yetirmək üçün, o cümlədən hər hansı hüquqi, tənzimləyici, vergi, mühasibat və ya hesabat tələblərini yerinə yetirmək üçün ağlabatan lazım olan müddət ərzində saxlayacağıq. Şikayət halında və ya sizinlə münasibətimizlə bağlı məhkəmə çəkişməsi perspektivinin olduğuna əsaslı şəkildə şərait yaranarsa biz sizin şəxsi məlumatlarınızı daha uzun müddət saxlaya bilərik.
Şəxsi məlumatların saxlanması üçün uyğun müddəti müəyyən edərkən şəxsi məlumatların həcmini, təbiətini və məxfilik səviyyəsini, icazəsiz istifadə və ya açıqlanma nəticəsində yaranan zərər riskini, şəxsi məlumatlarınızı emal etməyin məqsədlərini və bu məqsədlərə digər vasitələrlə çatıb-çatmayacağımızı, həmçinin tətbiq olunan hüquqi, tənzimləyici, vergi, mühasibatlıq və digər tələbləri nəzərə alırıq.
Daha çox məlumat əldə etmək istəsəniz bizimlə əlaqə saxlaya və şəxsi məlumatlarınızın müxtəlif aspektləri üçün saxlama müddətləri barədə ətraflı təfərrüatları soruşa bilərsiniz.
Bəzi hallarda biz sizin şəxsi məlumatlarınızı tədqiqat və ya statistik məqsədlər üçün (artıq sizinlə əlaqələndirilməməsi üçün) anonimləşdirəcəyik, bu halda sizə əlavə xəbərdarlıq etmədən bu məlumatdan qeyri-müəyyən müddətə istifadə edə bilərik.
15. Şəxsi məlumatların subyekti kimi qanuni hüquqlarınız
- şəxsi məlumatlarınızın mövcudluğu, onların sahibi və ya operatoru haqqında məlumat almaq;
- şəxsi məlumatlarınızın toplanması, emalı və üçüncü şəxslərə ötürülməsinin əsaslandırılmasını tələb etmək;
- sizin haqqınızda toplanmış şəxsi məlumatların məzmunu ilə tanış olmaq;
- Şəxsi məlumatların toplanmasının və emal edilməsinin məqsədini, emal müddətini, üçüncü tərəflərin icazə verilən dairəsini və metodlarını bilmək;
- qanunla müəyyən edilmiş hallar istisna olmaqla, toplanmış və emal edilmiş fərdi məlumatların dəqiqləşdirilməsini və məhv edilməsini tələb etmək;
- şəxsi məlumatların toplanması və emalı ilə bağlı razılığı geri götürmək;
- toplanmış və emal edilmiş şəxsi məlumatların mənbələri haqqında məlumat almaq;
- toplanmış və emal edilmiş şəxsi məlumatların qorunmasını tələb etmək;
- şəxsi məlumatlarınıza giriş tələb etmək (“məlumat subyektinə giriş sorğusu” kimi bilinir).
- Natamam və ya düzgün olmayan məlumatlarınızı düzəltməyi tələb etmək.
- yuxarıda qeyd edildiyi kimi birbaşa marketinq məqsədləri üçün emallara etiraz etmək.
Məlumatlarınızı emal etmək üçün razılığınıza etibar etdiyimiz halda, razılığınızı geri götürmək hüququnuz var. Bunu hesabınızdakı ünsiyyət seçimlərinizi yeniləməklə və ya ünsiyyətdəki abunəlikdən çıxmaq seçiminə klikləməklə edə bilərsiniz. Müəyyən bir üsulla sizdən marketinq kommunikasiyalarını almağımıza razılığınızı geri götürsəniz, artıq həmin rabitə növü vasitəsilə həmin mesajları almayacaqsınız. Nəzərə alın ki, sorğunuzu icra etməyimiz 20 günə qədər çəkə bilər.
Əgər yuxarıda göstərilən hüquqlardan hər hansı birini həyata keçirmək istəyirsinizsə Bizimlə Əlaqə Formasından istifadə edin, Ploom Dəstək Komandasına yazın, *9010 nömrəsinə zəng edin və ya [email protected] e-poçt göndərin.
Şəxsi məlumatlarınıza daxil olmaq (və ya hər hansı digər hüquqlardan istifadə etmək) üçün heç bir ödəniş ödəməli deyilsiniz. Bununla belə, sorğunuz açıq-aydın əsassız, təkrar və ya həddən artıq çox olarsa və ya qanunla müəyyən edilmiş əsaslarla tələbinizi yerinə yetirməkdən imtina edə bilərik.
Bizə şəxsiyyətinizi təsdiqləmək və şəxsi məlumatlarınıza daxil olmaq hüququnuzu təmin etmək (və ya hər hansı digər hüquqlarınızdan istifadə etmək) üçün sizdən xüsusi məlumat tələb etməmiz lazım ola bilər. Bu, məlumatınızı almaq hüququ olmayan hər hansı şəxsə açıqlanmamasını təmin etmək üçün təhlükəsizlik tədbiridir. Cavabımızı sürətləndirmək üçün sorğunuzla bağlı əlavə məlumat istəmək üçün sizinlə də əlaqə saxlaya bilərik.
16. Məxfilik siyasətimizə dəyişikliklərin edilməsi
Gələcəkdə Məxfilik Siyasətimizdə edə biləcəyimiz hər hansı dəyişiklik bu səhifədə yerləşdiriləcək və lazım olduqda sizə bu barədə e-poçt vasitəsilə məlumat veriləcək. Məxfilik Siyasətimizdə hər hansı bir yeniliklərdən və ya dəyişikliklərddən xəbərdar olmaq üçün e-poçtunuzu tez-tez yoxlayın.
25 aprel tarixindən QÜVVƏDƏDİR v1.0
Mənbələr
Sizin 18 yaşınız varmı?
Bu vebsayt və Ploom məhsullarına çıxış yalnız Azərbaycanda mövcud olan, yetkinlik yaşına çatmış şəxslər üçündür.
Ploom məhsulları siqareti tərqitmə vasitəsi deyil və digər tütün məhsulları kimi asılılıq yaradır.
Ploom cihazları ilə birlikdə istifadə üçün nikotin tərkibli çubuqlarımız mövcuddur. Bu məhsullar risksiz deyil və ancaq mövcud siqaret və veyp çəkənnər üçün nəzərdə tutulublar. Nəzərə alın ki, ödəniş prosesi zamanı yaşınızı təsdiqləməyiniz lazım olacaq.
Daha ətraflı məlumat üçün İstifadə Şərtləri səhifəsinə keçin.